- ave atque vale, Stéphane

Catullus

Latin text
1 Multās per gentēs et multa per aequora vectus
2 adveniō hās miserās, frāter, ad īnferiās,
3 ut tē postrēmō dōnārem mūnere mortis
4 et mūtam nēquīquam alloquerer cinerem.
5 quandoquidem fortūna mihī tētē abstulit ipsum.
6 heu miser indignē frāter adēmpte mihi,
7 nunc tamen intereā haec, prīscō quae mōre parentum
8 trādita sunt trīstī mūnere ad īnferiās,
9 accipe frāternō multum mānantia flētū,
10 atque in perpetuum, frāter, avē atque valē.